ਮੁੰਬਈ: ਮਹਾਰਾਸ਼ਟਰ ATS ਨੂੰ ਵੱਡੀ ਸਫਲਤਾ ਮਿਲੀ ਹੈ। ਏਜੰਸੀ ਨੇ ਤਿੰਨ ਅਜਿਹੇ ਜਾਸੂਸਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ ਜੋ ਭਾਰਤ ਦੀ ਖੁਫੀਆ ਜਾਣਕਾਰੀ ਪਾਕਿਸਤਾਨ ਭੇਜ ਰਹੇ ਸਨ। ਇਹ ਤਿੰਨੋਂ ਦੋਸ਼ੀ ਪਾਕਿਸਤਾਨ ਖੁਫੀਆ ਦਫਤਰ (PIO) ਦੇ ਸੰਪਰਕ ਵਿੱਚ ਸਨ ਅਤੇ 2023 ਤੋਂ ਦੇਸ਼ ਵਿਰੋਧੀ ਗਤੀਵਿਧੀਆਂ ਵਿੱਚ ਸਰਗਰਮ ਸਨ।
ਸ਼ੁਰੂਆਤੀ ਜਾਂਚ ਤੋਂ ਪਤਾ ਲੱਗਾ ਹੈ ਕਿ ਦੋਸ਼ੀਆਂ ਨੂੰ ਇੱਕ ਪਾਕਿਸਤਾਨੀ ਮਹਿਲਾ ਏਜੰਟ ਨੇ ਫੇਸਬੁੱਕ ‘ਤੇ ‘ਹਨੀ ਟ੍ਰੈਪ’ ਵਿੱਚ ਫਸਾਇਆ ਸੀ ਅਤੇ ਫਿਰ ਉਨ੍ਹਾਂ ਤੋਂ ਭਾਰਤ ਦੀ ਗੁਪਤ ਜਾਣਕਾਰੀ ਪ੍ਰਾਪਤ ਕੀਤੀ ਗਈ ਸੀ। ATS ਅਧਿਕਾਰੀਆਂ ਨੇ ਦੱਸਿਆ ਕਿ ਦੋਸ਼ੀ ਨਵੰਬਰ 2024 ਤੋਂ ਮਾਰਚ 2025 ਦਰਮਿਆਨ ਵਟਸਐਪ ਰਾਹੀਂ ਭਾਰਤ ਦੇ ਇੱਕ ਮਹੱਤਵਪੂਰਨ ਫੌਜੀ ਢਾਂਚੇ ਨਾਲ ਸਬੰਧਤ ਜਾਣਕਾਰੀ ਪਾਕਿਸਤਾਨ ਨੂੰ ਭੇਜ ਰਿਹਾ ਸੀ।
